الأحد 25 09 2016 - 11:52 صباحاً
0205-2015

البوم رامى عصام ممنوع 2015

البوم ممنوع CD Q 320 Kbps

تاريخ الإضافة : السبت 02 05 2015 - 11:03 صباحاً اخر تحديث : السبت 02 05 2015 - 11:14 صباحاً
1,550
البوم رامى عصام ممنوع 2015
كلمات محمد ابراهيم , احمدفؤاد نجم , درباله , امجد القهوجى
لحن وغناء رامي عصام 
توزيع و هندسة صوتية و ماسترينج هشام وطني - ستوديو ايليفن
جيتار رامي عصام 
اخراج منة الشيشيني 


- فول كافيار
- حى
- ممنوع
- كمين العبور
- سلام الله
- فتح عينك
- عفر البشاورة 

البوم رامى عصام ممنوع CD Q 320 Kbps
 
فول كافيار

نور عينك قاعد فى الظلمة بيولع شمعه ويدعيلك
يباركلك ربنا فى الكرسى ويديك على قد ما تدينا
هو اللى خربها وجيت انت بتصلح مصر وترفعها
ومفيش احمال زايده دا عامل خد رشوه وهو اللى قطعها

ليك شنه ورنه وليك هيبه لايق على المنصب وكاريزما
حرية وعيش وقضاء شامخ اما البنزين فمفيش ازمة
والدنيا جميلة وكله تمام مفيش مسجون من غير تهمه
واللى يعرضوك قله اندست او ناس بتشوشر مش فاهمه

وان كان على الظلمة هنتعود وان كان على الجوع اهى مش فارقه
وان كان على الصلاة على النبى فاحنا بنصلى يا اخويا من غير ورقة
من امتى اتعودنا نعارض امرك على طول ماشى على الكل
وان كان على الوضع اهو يتحسن والناس مرتاحه وزى الفل

من حال الناس انا عقلى احتار الناس بتشوف الفول كافيار
لو تلقى حكومة بتضرب نار الناس بتقول قشطه استقرار

هشتكنا وباشتكنا وعادى وايادى تسلم لايادى
ايه يعنى ومالو مفيش مانع وفكل حالاتك انا راضى
داخلية تفض مظاهراتك والوضع جميل وديمقراطى
تاتا تاتا وجمب الحيط ماشى وهكمل عمرى وانا مطاطى

لا انا هنزل على التحرير تانى ولا ههتف واطلب اسقاطك
انا هقطع باديا لسانى ولا عمرة هراجع قرارتك
على البركة وسوق بينا وكمل هيجيلى تناحه وهتحمل
لا انا هنزل وانتخبك تانى ويارب يكتر فتراتك

----------------------

ممنوع 

ممنوع من السفر .. ممنوع من الغنا
ممنوع من الكلام .. ممنوع من الاشتياق
ممنوع من الاستياء .. ممنوع من الابتسام

وكل يوم فى حبك تزيد الممنوعات
وكل يوم باحبك اكتر من اللى فات

حبيبتى يا سفينه متشوقه و سجينه
مخبر فى كل عقده عسكر فى كل مينا
يمنعنى لو أغير عليكى أو أطير اليكى واستجير بحضنك أوأنام
فى حجرك الوسيع وقلبك الربيع اعود كما الرضيع بحرقة الفطام

حبيبتى يا مدينه متزوقه وحزينه فى كل حاره حسره وف كل قصر زينه
ممنوع من انى اصبح بعشقك او ابات ممنوع من المناقشه ممنوع من السكات

-------------

حي 

حى على فلاح الثورة حى
حى على الكفاح حى على اللى راح ولسه مابينا حى

حى على الطلاب حى على العمال حى
على شباب ثابت على الاستقلال عن كل الجماعات والاحزاب والسياسات
والسلطات والحركات عن كل رقاصه نمرتها على دم اللى مات

ولع فتايل نضالك بنار قلبك على شهدائك نارك
تحرق كل ظالم ولا تحرق مؤمن بتارك
اضغط زناد ثورتك بقوة عزمك على الحراك
ده بكم شدة قهرتك تفتح للأمل شباك
تكسر كلبشات حريتك بوحدة صف الاشتباك
تعزف بسلاح مقاومتك اعزب الحان الخلاص

حاجز احباطنا هنهدمه يا النصر يا الموت اخر المطاف
سلميتنا شهيدة رصاص ومعدش شئ منه نخاف
ما حناش احسن م اللى ماتوا دا الموت ما يهاب الا الهتاف

------------

كمين العبور


ادارة مرور كمين العبور بتتمني ليكم دوام الطبور
سواء انت هايف سواء انت بيه .. قولى نمرك ايه

لازق ميزان ونسر ولا انت عضو قبة هطلع مين فمصر
! كل "استكر" برتبه .. اه يا ولاد "الاحبه

هو الحزين ملاكى منفض للجميع
قاعد تسمع لولاكي وعايش فالربيع
لو حتي الحال فظيع

ولا البرنس اجره وفاتح باب ورا بتطلع فالجرايد شيفها مخدره ولا شمعة منورة
ولا العسل سياحة كلامك تعليمات لو حتي تقول اباحه الرد يكون سكات والصمت ليه لغات

وانت يا ابو نمرة غمقة ياللى محدش فهملك
في ساعة الوكسه تبقي معانا نشيل فحملك وفساعة الحظ تسلك

حاطط نمر تجاري ولا عمرك شلت هم
وفالكمين تجاري المنصب المهم تقوم تفوت يا عم
يا ابو نمرة ديبلوماسي يا فايت فالحديد
قاعد تقيل وراسي في قصرك البعيد وكلكساتك نشيد

-----------
سلام الله

سلام الله على البادي برمي حجارة ع المبنى و فتح النار على الأوساخ
سلام الله على الرافع سلاحه ف وش عساكركم و راسم في زنازينكم رايات الكفر بالطغيان

سلام الله على ولادنا على جيش الشيطان الاحمر وعلى الدراويش وعلى الفرسان
سلام الله على الانجيل وعلى التوراه وعلى البوذى وعلى القران
سلام الله على الانسان

أنا الفكرة يا كل طاغوت بيظلمني
و لو بيتي يكونلك مأوى راح اهِدُّه
و لو دينك طريق للجنة مش داخل
و لو نيلي يكونلك زاد ازيده بدمي حرية تموت عطشان

انا الفارق في عمر القمح زي ربيع
انا الشارد يا كل قطيع
سلام الله على الانسان

---------------
فتح عينك

فتّح عينك شوف الصورة وعاين بالمظبوط
تلقى طابور المصلحة ماشي زي ماكان بيفوت

يسقط آه سفاح الشهدا ..بس يعيش مبسوط
تلقى كلاب بتعض السايب وتخض المربوط

واللي يقولك كافر ملحد دمه حلال بالتوت
تلقى قطيع متساق بالجزمة وخايف م النبوت
كله بيجري محدش فاهم والفاهم مكبوت
تلقى دقون ف عيون الازمة بيقفوا يبيعوا القوت

بيزنسمِن الزمن الاغبر ماركة طق وموت
يدعي الناس للزهد وهوا ف ايده السبحة ياقوت
تلقى السوق كله بتنجان والبيض من غير كتكوت

قذفوا ال يونية ف وش الشعب السارح ف الملكوت
قبل ما يغشل وشه قذفوا عليه دستور ممطوط
ناس طيبة بتقول دا لبن عصفور ولا دا شلوت

واللي يقول الدنيا بتشتي واللي لبس زعبوط
واللي يقول الباقية حياتك كل الناس هتموت
واللي مطنش واللي مسامح مستني السحتوت
واللي موافق جدا خالص على دور الهلفوت

لسه عبيد السلطة عبيدها ولسه كمان جبروت
فتح عينيك شوف الصورة وعاين بالمظبوط

-----------------
عفر البشاورة

مصر البنت تِطلع قلب العسكري يولـَع وانا قلبي ينور
الزحمه العبيطه والنيل أبو سكر ييجوا في الخريطه خط اسود مكسّـر

يا جغرافيا سيبك من عفر البَشـوْره
التاريخ قريبك بيحب المظاهره
ومالها حالها مال والنيل أبو الغيطان
مستغرب العماير الحيطان

فلاح وقلبه دافي غريب وماشي حافي
بتجرحه الحوافي وتصلُبه فـ ميدان

والمجد كان زمان أول ما دق قلبي صبح الأكيد يجوز
والشاب مستخبي جوايا في العجوز والدنيا ضاربه بوز
التبليغ عن خطأ