الأربعاء 28 09 2016 - 02:59 مساءً
0509-2015

كليب قصة بطل - شادي البوريني 2015

كليب قصة بطل HD720p

تاريخ الإضافة : السبت 05 09 2015 - 01:24 مساءً اخر تحديث : السبت 05 09 2015 - 01:46 مساءً
1,310
كليب قصة بطل - شادي البوريني 2015

اشراف عام ومونتاج عادل الظاهر

كلمات الاغنية :
هالقصة قصة محمود 
شب فلسطيني ونمرود
كان يحب تراب بلادو 
ومخبي رصاص وبارود
كل اصحابو بيحبوه 
وابو الوطنية سموه
و النسوان ان مرق يقولن 
يا نيال امو وابوه
محمود حليوة وشخصية
من قرية كلها وطنية
ومثلو مثل رفاقو عايش 
عالبساطة والعفوية
بقا لساتو عاريس جديد
ويعشق مرتو بالتاكيد
ونفسو بولد يسميه احمد
ع اسم ابن عمو الشهيد
محمود اتمرمط واتحمل 
وصل التوجيهي وما كمل
كان يفكر كيف يساعد
اهلو وما يشكي وما يزعل

واتعلم على حب اوطانو
واهلو واصحابو وجيرانو
وكيف يصوب بالبارودة
وكيف يدافع عن اخوانو
كان يحب اللحم محمر
بس بيرضا بزيت وزعتر
متواضع مع كل العالم
ولا عمرو ع الناس اتكبر
كان مقضيها متفائل 
بايع هاالدنيا ومش سائل
والي زاد الفرحة بقلبو 
مرتو سلمى طلعت حامل 
صار ينادي يا نيالي
بكرة بيجي ابني الغالي
كل الدنيا مش واسعتو
ويحكي الحمدلله بالعالي
هي اخذ من الدنيا حصة
رغم الالم ورغم الغصة
بقا نفسو يتمشا بعكا
ويزور المسجد الأقصى
لكن حلمو بالتحرير
ولد كبير وظل كبير
ومن صغرو اقسم ليقاوم
والي بدو يصير يصير
كان مبين جوى عيونو
دمعة بتحكي الوطن شلونو
وكل ما يوقف على مخصوم
يتنرفز ويجن جنونو
وبمرة وما هي عادية
جنود ومخصوم ودورية
وقف واطفي السيارة
نزلهم وجيب الهوية
نزلو الكل من السيارة
وظلن صبية وختيارة
صاح الجندي كلو ينزل
هي حال بلادي يا خسارة
بدو على كيفو يعاملهن
ويفتشهن غصبن عنهن
زاح ايدو محمود وقلو
وقف ممنوع تفتشهن
ثار الجندي وجن جنانو
انصدم بمحمود وعصيانو
ومحمود بعصبية ضربو
بوكس ونزل نص سناتو
وفي بلادي الحرية مبدأ
في قلوب الشعب بيتلألأ
والي ما بعرفها وبجهل
عن تاريخ بلادي يقرأ
وهبو الناس كبار صغار
وعملو بالبلد استنفار
واتتحدت كل الرايات
ثورة ونار وضرب حجار
صحي محمود وفز بسرعة
يركض مستعجل ع الرجعة
يا سلمى اعطيني البارودة
قالت سلمى دخيلك اوعا
جاوبها بلادي بتنادي 
وانا روحي ودمي لبلادي
وان ما برجع قولي لاحمد 
ما في احلى من الشهادة
وبلادي حرة بتظل
غصبن عن انف المحتل
يوم تنادينا فلسطين 
بتلقانا على راس التل
هالارض ال ربت احرار
والمزروعة مجد وغار
كل ما عطشت بنرويها
بدم الشهدااء الأبرار 
قاوم محمود وما استسلم
هيك اتربا وهيك اتعلم
وباخر انفاسو اتشهد 
وغمض عيونو واتبسم
كليب,قصة بطل,البوريني,شادي البوريني
التبليغ عن خطأ