الجمعة 09 12 2016 - 07:17 مساءً
0801-2016

أغنية زهقت من الحياة أحمد سالم 2016

الأغنية الساخرة زهقت من الحياة CD Q 320 Kbp

تاريخ الإضافة : الجمعة 08 01 2016 - 09:40 مساءً اخر تحديث : الجمعة 08 01 2016 - 09:42 مساءً
1,484
أغنية زهقت من الحياة أحمد سالم 2016
◀ فريق العمل:-
● غناء وألحان : أحمد سالم
● كلمات وإخراج : أشرف حمدي
● توزيع : أحمد أمين
● تحريك : أميرة مصطفى و مصطفى عشري

◀ كلمات الأغنية :-
علي قهوة في آخر فيصل قاعد برسم في بلوك نوت
والواد بيحط الشاي دلدق على رسمة مشنقة
قطعت الورقة رميتها ومن غيظي أنا كنت حموت
وفي صفحة جديدة رسمت جماجم ناس متخرتأة
من شد الشيشة تعبت وبحرق صدري أنا بالتومباك
وزهقت من القاعدين وعيونهم فيا مبحلقة
وضربت بعيني لفوق ولقطت البت من الشباك
واقفة قدام مرايتها ولابسة بلوزة محزّقة
ومعلقة صورة كاظم على الحيطة وبتسمع راب
والقطة بتقول "نونو" ع الدولاب متشعلقة
من زهقي أنا سبت الشيشة وقمت حاسبت ، نسيت الكاب
جات أم البت شافتها وراحت فيها مزعقة

زهقت من الحياة .. زهقت من الحياة

وشاورت لتوكتوك قلت له "عزبة" قال لي "بسبعة جنيه"
والواد كتيان ضارب برشام متبعزق بعزقة 
قلت له "أحيه، فيه ايه؟ جرى ايه ؟" قاللي "اللي تجيبه يا بيه"
فركبت وراه قاعد قرفان على كنبة ملزّقة
ف التوكتوك كنت بنط وقلبي يفُط تعبت خلاص
وبفكّر في الماشيين والروس محنية من الشقا
والهم تقيل ماسك أزميل ينحت وشوش الناس
كلمني الواد محروس بيقوللي ما تيجي الغردقة
وقفلت في وشه السكة وقلتله "ياسطى بسرعة قوام"
ونزلت وقعت في بركة ، مشيت بهدوم متغّرقة
وطلعت لبيتنا جعان كلت بتنجان ودخلت أنام
مالحقتش غير دِقتين وصحيت من صوت الوأوأة

زهقت من الحياة .. زهقت من الحياة
 
التبليغ عن خطأ